شرح مجموعات التصنيف - كروت الموردين
اول حاجة هنتعلمها على البرنامج هى مجموعات التصنيف وده امر سهل خالص
=============== مجموعات التصنيف ================
طب معناه ايه ؟؟؟؟
الصيدليات اساسا بترتب الادوية فى الصيدليه على حسب النوع ( تلاقى حاطين هنا الاقراص وهناك الاشربة وتحت المراهم وشمال القطرات ) يعنى ترتيب ونظام -- برده البرنامج اساسا عبارة عن صيدلية على الكمبيوتر لازم يكون فى البرنامج مجموعات للتصنيف علشان تتصنف تحتها الادوية زى ما هنشوف بعد كده -- اوك؟طيب نفتح الامر ده ازاى على البرنامج من قائمة الاصناف اللى فوق خالص اعلى البرنامج لو دوستم عليها بالماوس تفتح قائمة فيها امر اسمه مجموعات التصنيف والصورة اهه للى مش واخد باله
 |
| مجموعات التصنيف |
بعد ما تدوس على الامر بس دوس براحة
تلاقى الصفحة دى اتفتحت
 |
| مجموعات التصنيف |
لو دست على اضافة تبقى عايز تضيف مجموعة تصنيف جديدة بس على فكرة احنا كاتبين كل مجموعات التصنيف اللى تختر على بالك ولو حبيت تضيف من عندك ضيف --- بعد كده زرار تعديل لو حبيت تغير اسم اى مجموعة مش عاجبك اسمها -- حذف طبعا مفهومة -- واصناف هذه الفئة لو دست على الزرار ده يطلعلك تقرير بالاصناف اللى مسجلة تحت الفئة دى ( اتفرج على التقرير بس وسيبك من الاوامر اللى فيه هنبقى نشرحها بعدين لما ناخد التقارير )
برده سيبك من زرار (تحويل الاصناف من فئة الى اخرى ) هنبقى نتكلم عليه بعدين علشان ده من ضمن الجاجات اللى بتلعب فيها من غير ما تفهمها وبنبوظ الدنيا
تانى حاجة هنتعلمها مع بعضينا
=============== كروت الموردين ================
( وما اكثرهم ) -- مصنعين وموزعين وSub Agent و مورد بشنطة ومندوبين مستورد
كل الناس دى جمعنها مع بعضيها فى كروت الموردين علشان بنستخدم الكروت دى فى حاجات كتير فى البرنامج ** طيب كروت الموردين بتتفتح من قايمة المشتريات اللى موجوده اعلى البرنامج لو فتحت القايمة دى تلاقى امر كروت الموردين دوس عليه وماتخفش زى
ما انت شايف فى الصوره دى او تدوس Ctrl + O على لوحة المفاتيح
 |
| كروت الموردين |
دوست؟؟؟ ------
واكيد طلعلك الشاشة دى
 |
| الموردين فى برنامج فارما فلاى |
دى بقى يا خوانا كروت الموردين
كل مورد قاعد فى مكانه وجانبه رقمه على اليمين والاختصار الخاص بيه على الشمال والاختصار ده مهم جدا
علشان بيطبع على اللواصق الى هتحطها على العلب بتاعة الادوية فتعرف فى اى وقت انت كنت شارى العلبة دى بالذات من انه مورد
=== طب نعدى عليها كده بسرعة =====
اضافة : لاضافة مورد لو حبيت تضيف مورد مش موجود اساسا فى اللسته دى واحنا تقريبا كاتبين كل الموردين بس اللى يهمنى انك تكتب لكل مورد رمز كده حلو 3 حروف بالانجليزى علشان خاطرى
تعديل وحذف : هسيبك تفهمهم لوحدك
بيانات المورد والمديونية : سيبهم دلوقتى هنرجعلهم لما نشرح فواتير المشتريات ( علشان بس العملية متخشش فى بعضها )
الاختصارات بقى زى كده
Pharma Over Seas --------> PHO
Ibn Sina ---------> IBN
المتحدة للصيادلة ---------> UCP
مركز التنشيط -----------> epc
وانتم ادرى منى بقى --- لو كتبتم الاختصارات دى وانتم فاتحين شاشة كروت الموردين يجيلك المورد علطول (على الشاشة طبعا ).
شكر خاص للمهندس محمد أسماعيل
ليست هناك تعليقات:
إرسال تعليق