شرح المبيعات الاجلة والتعاقدات ببرنامج فارما فلاى

المبيعات الأجلة( الشكك - التعاقدات - على الحساب )

بعض الصيدليات بتتعاقد مع بعض الشركات لصرف الادوية لموظفى هذه الشركات على حساب الشركة بعد خصم مبلغ معين من كل بيعة على حسب اتفاق الصيدلية مع ادارة الشركة
المهم ... طرق البيع كلها واحدة يعنى بنمرر الادوية كلها على الباركود سكانر وبعدين بنحدد مصير البيعة دى عن طريق الضغط على C للمبيعات النقدية أو R  للمبيعات الاجلة أو H  لمبيعات توصيل الطلبات
طيب :::: قبل كل ده وقبل ما نعرف ازاى نبيع أجل ..... نعرف ازاى اساسا نضيف اسامى الناس اللى هنبعلها على الحساب



من قايمة مبيعات أفتح الامر ده ( كروت العملاء - أجلون )

بعد ما نفتحه نلاقى الشاشة دى

زى ما إحنا شايفين اللستة فاضية ومافيهاش أى عميل
أوك ...

أضافة :  لو دوسنا زرار إضافة نلاقى شاشة نكتب فيها البيانات دى

فى الشرح اللى جاى ده هنتكلم على نوعين من العملاء -- عملاء التعاقدات ( الشركات ) والعملاء العاديين ( زبائن الصيدلية )
إسم العميل : الشركة المتعاقد معها زى ( العامرية للبترول - سوميد - الكهرباء - بتروجيت .... الخ )  أو ممكن يكون العميل ده شخص عادى مش شركة (الحاج محمد - ام صبحى - عماد البواب)
أعضاء تابعون : يعنى باختصار الموظفين التابعين للشركة المتعاقد معها  .. فلو يهمنى اساميهم نعلم على الاختيار ده ولو ميهمنيش منعلمش وطبعا العملاء العاديين ملهمش اعضاء تابعون
بعد كدة ندخل على ثالث خانة الاول
قيمة نسبة الخصم الممنوحة للعميل : يعنى لو الشركة اتفقت مع الصيدلية على خصم 10 %  نكتب فى الخانة دى 10
طيب سؤال مهم ... لو الموظف اللى جاى من الشركة دى بيدفع جزء من قيمة البيعة الربع مثلا أو الثلث نكتبه فين ؟؟؟ وكمان لو عايزين نحدد الموظف ده هيدفع ربع القيمة قبل الخصم  ولا بعد الخصم نعمل ايه ؟؟؟
الاجابة : نفرض ان الموظف هيدفع ربع القيمة قبل الخصم خلاص نكتب 25 فى ثانى خانة (النسبة الواجب دفعها من كل عملية  
            بيع (قبل الخصم))
           ولو الموظف هيدفع ربع القيمة بعد الخصم بتاع الشركة نكتب 25 فى رابع خانة (النسبة الواجب دفعها من كل عملية بيع 
           (بعد الخصم))
قيمة حد الاجل : يعنى امتى البرنامج ينبهنى ان العميل ده تعدى حد المديوتية اللى انا محددهاله ولم ميهمنيش حد الاجل نخليه 1000000 عللشان البرنامج ميوجعش دماغى وانا ببيع
أقصى حد لكل عملية بيع : وده اتفاق بين الشركة والصيدلية على ان الروشته المصروفة لها حد معين  مثلا 70 جنيه لا تتعداها
شروط التعاقد : نكتب فيها اى شروط بيننا وبين الشركة -  للتذكرة فقط
ملحوظة : محدش يكتب فى تانى خانة ورابع خانة مع بعض ما ينفعش .. يا نكتب فى ثانى خانى  يا نكتب فى رابع خانة يعنى يا قبل الخصم يا بعد الخصم ولو عميل عادى لا هنكتب خصم ولا قيمة ولا غيره هنكتب بس فى خانة حد الاجل
بعد كده نحفظ الكارته نلاقى اسم العميل ظهر فى اللستة

  

تعديل : للتعديل فى فى كارتة اى عميل
حذف : لحذف عميل ولكن قبل التعامل معه او حساب اى عمليات بيع علية ولا يمكن حذفة بعد التعامل معه فى عمليات بيع لأساب أمنية
المديونية : هنشرحها كمان شوية
تقرير كل الدائنين : تقرير بيبين كل المبالغ المالية المستحقة للصيدلية لدى العملاء الاجلون

100 100

نعرف بقى دلوقتى نبيع أجل ازاى
بعد ما بنعدى الاصناف فى شاشة المبيعات  كده

 ندوس عل زرار Rعلى الكيبورد او ندوس بالماوس على زرار إنهاء فى شاشة المبيعات وبعدين نضغط  أجلة زى ماهو متعلم فى الصورة
طيب بعد ما ندوس R تظهر الشاشة دى

والبرنامج مستنى أكتبله كود العميل (العلامة اللى فى الصورة اللى فاتت ) ولو مش عارف كود العميل ندوس Enterتظهر لنا لسته بأسامى العملاء الاجلون نختار واحد منهم  وتبقى الصورة  زى دى

بعد ما ظهر أسم العميل ممكن نكتب رقم واسم الموظف لو عايزين
** المديونية السابقة  ( صفر ) علشان ده اول تعامل مع الشركة
** المتبقى من البيع37.39 بعد خصم الربع المدفوع بواسطة الموظف ثم خصم 10%
المديونية الجديدة : هى المديونية السابقة للشركة مضاف اليها المديونة الحالية للبيعه دى
المدفوع بواسطة العميل : يعنى اللى هيدفعه الموظف بنفسة  وفى المثال بتاعنا الربع = 13.85
ملحوظة : لو الشركة المتعاقدة هى اللى بتتحمل المبلغ كله يبقى هنلاقى المدفوع بواسطة العميل = صفر وتبقى المديونية كلها على الشركة بعد الخصم
- ولو عميل عادى مش شركة لو حب يدفع جزء من البيعة نكتبه احنا فى خانة المدفوع ولو مدفعش نحفظ البيعة على زيرو وتتراكم المديونية عليه وحاسب من النصابين
اوك تعالو بقى لشق أخر وهو متابعة العميل الاجل
من فائمة مبيعات نفتح الامر اللى فتحناه قبل كدة ( كروت العملاء  - أجلون )

وبعدين

المديونية : اللى سبق وقلنا هنشرحها كمان شوية

لما نضغط على  زرار المديونية
تظهر الشاشة دى وفيها كل ما يخص العميل الاجل اللى أخترناه

عملاء تابعون : مكان بنضيف فيه أسامى الموظفين التابعين للشركة المتعاقد معها مسبقا لو يهمنا اساميهم

متابعة المبيعات لهذا العميل : فيها كل عمليات البيع اللى تمت لصالح هذا العميل

كل بيعة على اليمين والتفصيل بتاعها على الشمال وممكن كمان نطع ايصال أو فاتورة

متابعة مدفوعات لهذا العميل : تقرير يظهر فيه القيم المدفوعة بواسطة العميل

كشف حساب للعميل : تقرير يبين جميع المبيعات اللى تمت بالتفصيل زى كده

طباعة كشف حساب : لطباعة كشف حساب بالأصناف المصروفة لهذا العميل

تقرير الارباح : لحساب الارباح من المبيعات لهذا العميل

تقرير مبيعات مجمع بالاصناف : وده تقرير مجمع للاصناف المباعه لهذا العميل والغير مسددة

طباعة الحركة بالأصناف : لطباعة حركة تعامل هذا العميل مع الصيدلية من مبيعات ومرتجعات وغيره

تمام  ؟؟؟؟؟؟؟؟؟؟؟؟؟؟؟؟؟؟؟؟

ودلوقتى الشق الثالث والاخير والمهم .... الفلوس ..... سداد المبيعات الاجلة

من قائمة معاملات النقدية ... نختار الامر ده ( إستلام نقدية - مبيعات أجلة )

نلاقى الشاشة دى

ندوس Enter ونختار العميل من اللستة اللى هتظهر وبعدين نلاقى الشكل بقى كده

اوك زى ما احنا شايفين ثلاثة بونات بيع
هنبدأ نعلم على بونات المبيعات اللى عايزين نسددها  نلاقى قيمة المبلغ  تظهر فى خانة المدفوع  زى الصورة التالية انا هختار اول بعتين ونتفرج سوا

نلاقى المبلغ المدفوع 58.20 ولو كنت عايز اختار كل بونات البيع أعلم علىAll أو ممكن مكنتش علمت على اى بيعة وكنت كتبت المدفوع بأيدى وخلاص وده فى حالة ان الرقم المدفوع قيمته اصغر من قيمة اى بيعه من اللى فى اللستة والفلوس المدفوعة هتبقى رصيد بحساب الشركة والمرة اللى جاية لما الشركة تدفع باقى الفلوس ابقى اختار البيعات واتمم تسديدها
طيب ::::: بعد ما اتار البيعات واظبط الكلام لازم اختار المكان اللى هنضع فيه الفلوس ... هل هو الدرج اللى فى الشفت بتاعى ولا الخزينة الرئيسية بتاعة الصيدلية
أوك :::: ندوس على الزرار الصغير اللى جنب الامر ده ( تضاف الى حساب ) ونختار الدرج أو الخزينة (وهنبقى نشرحهم بالتفصيل بعدين) وندوس حفظ ونحمد ربنا اننا اخدنا الفلوس

الوصية

1- نركز واحنا بنبيع ونختار العميل الصح
2- اخلى بالى من الخصومات المختلفة للاصناف  المصرى والمستورد
3- نختار الخزنة صح ونا بسدد
4- نراجع كل حاجة قبل ما نقفل البيعة