شرح مبيعات توصيل الطلبات لبرنامج فارما فلاى

مبيعات توصيل الطلبات

قبل ما نعرف ازاى نبيع ديليفيرى يلا سوا نفهم ونعرف ازاى نسجل عميل دليفرى على البرنامج بكل بياناته
من قائمة مبيعات ( عارفين طبعا )

نلاقى الشاشة دى

تمام ::...!!!
إضافة : لإضافة عميل دليفيرى جديد ..... طب يلا بينا ندوس إضافة وندخل بيانات  المهندس عصام محمد متولى

كل البيانات مفهومة ؟؟؟
ملحوظة : لو العميل ليه رقم تليفون أخر ندوس F2 ونضيف الرقم  ولو العميل ده بياخد خصم ثابت علطول نكتبه فى خانة الخصم
وندوس حفظ نلاقى العميل نزل فى اللستة زى كده

تعديل : للتعديل فى اى بيان من بيانات العميل
حذف : لحذف العميل ( قبل إدخال أى بيانات علية )
متابعة المبيعات : لبيان بونات البيع اللى تمت على العميل

كل العملاء : تقرير ببيانات كل العملاء ومجموع مبيعاتهم

100 100

تعالو بينا نشوف بيعه توصل طلبات لمدام عزة

فى شاشة البيع العادية هنعدى الاصناف اللى طلبتها مدام عزة وبعدين ندوس على حرف Hعلى الكيبورد أو ندوس زرار إنهاء وبعدين نختار توصيل طلبات
وانا معلم على الاختصار Hبالاحمر فى الصورة اللى جاية

بعد ماندوس Hنلاقى المنظر ده

ندوس على عميل أخر أو عميل جديد لو كان لشخص اللى اتصل بينا بياناته غير مسجلة على البرنامج
المهم ندوس على عميل أخر يظهر الشكل ده

نكتب جزء من أسم عميل أو رقم تليفونه وندوس Enter أو ندوس Enter من غير ما نكتب لا إسم ولا تليفون والبرنامج هيدلنا لسته بجميع الاسامى نختار منها العميل اللى عليه العينوندوسEnter  زى كده

تلاقى العميل نزل هنا بالشكل ده

فاضل خطوة واحدة ::: مدام عزة مجموع البيعة بتاعتها 14 جنيه  ..... ولما كانت معايا على التليفون قالتلى ابعتلى باقى 20 جنيه
خلاص يبقى المفروض أنى اكتب 20 جنيه فى خانة ( المبلغ المتوقع دفعة ) علشان البرنامج يكتبلى  ( النقد المنصرف كباقى ) 6 جنيه زى مانا عملت فى الصورة اللى فاتت
ولو حبينا نعمل خصم للعميل ده ندوس F2يظهر خانة الخصم  بالنسبة وبالقيمة زى ما احنا نحب
وعلشان ننهى البيعة ندوس موافق  وبعدها تظهر شكل طباعة فاتورة  إما اطبعها اوCancel

وكده الديليفرى فى ال OK

طيب :::::: نستلم الفلوس منين ونقفل حساب مدام عزة ازاى لما الحساب يوصل

طبعا مدام عزة عليها 20 جنية دلوقتى لانى باعتلها 6 جنيه
أوك :::: من قايمة مبيعات اللى فوق نختار الامر ده ( مبيعات توصيل لم تسلم للأن )

يظعر الشكل ده

اللستة فيها عميلان  م/عصام  ملناش دعوه بيه  ومدام عزة اللى حسابها وصل وطبعا كل المسائل أمامى واضحة
أختار مدام عزة وأدوس على أمر ( اتمام التوصيل ) والبرنامج هيأكد عليا برسالتين .....
الرسالة الاولى ...

ندوس Yes
الرسالة الثانية.....

وبكدة مهما كان عدد المبيعات الديليفرى مش هنحمل هم كله تحت السيطرة
سؤال : فى حالة أن مدام عزة رجعت البيعة ومش عايزة حاجة نعمل أيه ؟؟؟؟؟
الاجابة : نتمم البيعة زى  ما شرحنا من شوية كأن مدام عزة استلمتها  وبعدين نفتح شاشة مرتجع المبيعات Ctrl + R ونرجع الاصناف مرتجع نقدى عادى