شرح طباعة اللواصق ببرنامج فارما فلاى

Barcode Simple

طباعة اللواصق

طبعا اخدنا بالنا واحنا بنحفظ فاتورة المشتريات والبرنامج عطلنا الرسالة دى

ارسال الاصناف الى حقيبة الملصقات

لو ضغطناyes البرنامج هيبعت اللواصق على حقيبة اللواصق  ومكن تدخل فاتورة تانية وتبعت برده للحقيبة وتبقى تطبع لما تحب
اما لو ضغطنا No يبقى عايزين نطبع دلوقتى وتلاقى الشاشة دى ادامك

عدد الملصقات

زى مااحنا شايفين  كل صنفمكتوب عدده اللى هينطبع وكمان تاريخ الصلاحية
تحت شوية  ( عدد الملصقات ) اللى هنطبعها  وجنبها عدد الصفحات المطلوبة
تحت كمان  رقم العمود Column ورقم الصف Row اللى هنبدأ  منهم الطباعة  أااااااااااااااه
يعنى ايه بقى العمود والصف واللخبطة دى
طيب : عملية طباعة اللواصق دى هتتم على ورق الباركود
وورق الباركود انواعه متعددة فى الاحجام احنا هنشرح ورق الباركود اللى عدد لواصقة 144
وده  شكل الورقة

شكل ورق الباركود 144 لاصق

ورقة الباركود متقسمة 6 أعمدة من الشمال الى اليمين و24 صف من فوق لتحت

يعنى الاعمدة بنعدها من الشمال لليمين والصفوف من فوق لتحت ( أتفقنا )

بالنسبة للبرنامج بتاعنا بيطبع اللواصق من تحت لفوق يعنى من اخر الورقة مش من أولها  علشان نحافظ على اول الورقة سليم دايما و ما ينحشرش فى الطابعة لما نستخدم الورقة تانى

فلما نيجى نطبع لاول مرة على الورقة نختار عمود 1 وصف 24  ( بالنسبة لورق الباركود 144 ) كما فى الصورة  وبعد كدة نضغط Print تلاقى المعاينة قبل الطباعة تضغط على زرار طباعة . البرنامج هيسألك هل الطباعة تمت بنجاح قوله yes بعد ما تنطبع الورقة سليمة. وكدة تمام

المرة الجاية لما تيجى تطبع على نفس الورقة تلاقى البرنامج محددلك رقم العمود والصف من نفسه الا لو كنت ضيعت الورقة خلاص ظبط رقم العمود والصف من عندك على الورقة الجديدة

ملحوظة : بالنسبة للناس اللى بتستخدم ورق باركود 96 تبقى البداية عمود 1 صف 16 علشان النوع ده من الورق فيه 16 صف فقط

وبالنسبة للتعامل معلى الطباعات الحرارى مثل Zebra او Bixolon او غيرها من الطابعات الحرارية سوف نقوم انشاء الله تعالى بكتابة موضوع مفصل عنها وعن كيفية التعامل معها ولكنها للعلم اسهل بكثير ولاتحتاج لشرح الطباعة ولكن سوف نتكلم عن كيفية التعامل معها ومع مشاكلها .

وصية الملصقات

لما تضع الملصقات على علب الصنف اتاكد من التواريخ المختلفة والتركيزات لكل صنف  (يعنى الضمير فى الشغل)