تعلم شاشة المبيعات النقدية ببرنامج فارما فلاى

المبيعات النقدية ببرنامج فارما فلاى

بعد ما اتعلمنا اللى فات جه وقت بيع الحاجات واللى فهم المشتريات يفهم معانا المبيعات قبل ما سلطان يتجوز زينات

### ازاى نفتح المبيعات ###

ندوس Crtl + S وطبعا عارفين ازاى

ولما تفتح الشاشه دى يبقى احنا فى التمام

شاشة مبيعات برنامج فارما فلاى

ودى بقى الشاشة اللى هتفضل مفتوحة طول النهار واللى هنبيع فيها كل الاصناف

اللعبة كلها اننا هنعدى كود الصنف اللى طبعناه قبل كدة ولصقناه على العلبة على جهاز الباركود سكانر نلاقى الصنف نزل على طول فى شاشة المبيعات من سكات زى الصورة اللى فوق دى 
وساعات لما نعدى الصنف على السكانر يدينا الرسالة دى

اختيار تاريخ الصلاحية للصنف

وده معناه اننا عدينا علبة من تاريخ بعيد وكان الافضل اننا نعدى التاريخ الاقرب وبعدين على حسب مزاجك لو لقيت ان الصنف مايستاهلش دوس Yes وتوكل على الله لكن لو صنف بطئ البيع رجع العلبة ودوس No وعدى علبة 12/2009 أحسن
وعلى الاقل عرفت ان الصنف ده رفه مش مترتب فترتبه ( وعقبال رفوف الصيدليات كلها ) !!!!!
طيب ::::: بعد ما الصنف عدناه فى شاشة المبيعات ظهر اسمة وكميته وتاريخة وسهر بيعه ومجموع سعر البيع علشان لو معدين شريط بس تلاقى المجموع نص تمن سعر البيع
زى كدة شوف الفرق بين الكمية فى الصورة اللى فوق والكمية والاجزاء فى الصورة اللى تحت

##### طيب ازاى بقى بعنا شريط  #####

بعد ما بنعدى علبة الصنف على الباركود سكانر ندوس على زرار ( + ) على الكيبورد تلاقية على اخر الكيبورد من اليمين مع مجموعة الارقام وبعد ما تدوس ( + ) البرنامج يسألك السؤال ده

تغيير الكمية

وتلاقيه من نفسة كاتبلك ( 1 ) فى خانة الاجزاء يعنى شريط او حباية او امبول لو كنت عايز تبيع شريطين من العلبة اكتب ( 2 ) علس اساس ان العلبة يعنة 3 شرائط  وبعدين ندوس  Enter  

وممكن تكتب ( 0 ) فى خانة الاجزاء وتكتب عدد العلب اللى عايز تبيعه فى خانة العبوات بس خلى بالك أتأكد الاول ان كل العلم اللى هتبها تاريخ واحد مش ناقصين لخبطة تواريخ على البرنامج الله يكرمكم

على كدة .... لو فيه صنف تانى فى البيعة نعديه بعده على السكانر

طيب أفرض مثلا يعنى اننا عدينا صنفين فى شاشة البيع زى كدة

وبعدين الزبون افتكر انه عنده زانتاك فى البيت  وخلاص مش عايزه

بسيطة :::::::: وانت واقف مكانك كده  تدوس ( - ) على الكيبورد وتلاقى الزرار ده برده فوق زرار ( + ) وكل الاختصارات دى مكتوبة امامك فى شاشة المبيعات  المهم بعد ما تدوس ( - )  الرسالة دى تطلعلك

** أكتب فيها رقم مسلسل الصنف اللى عايز تحذفة من البيعة - يعنى 1 - 2 - 3 - 4 ........  ودوس Enter

طيب لو البيعة فيها كيتوفان أو ريفو او سرنجات او ضرب حقنة او غيره من الاصناف اللى معليهاش كود - طيب - دى بنسميها ( أصناف سريعة البيع ) وبدل ما نكتبها او نعديها على السكانر هنبعها بطريقة ظريفة وانت فى شاشة المبيعات دوس ( * )  ..... تلاقى الشاشة دى

اصناف سريعة البيع

دى شاشة الاصناف اللى مش هنطبعلها باركود أو الاصناف سريعة البيع  والجدول ده متقسم  كمان مجموعات ( سريع - أقراص - شامبو - .....) اختار الفئة اللى عايزها والصنف اللى انت عايزه ودوسEnter  وعيش

ودلوقتى عندنا بيعه كاملة متكاملة زى دى

الزبون خلاص ماشى مش عايز حاجة تانية مننا مش ناقص اننا نحاسبة على الفلوس

طيب ::::: نقفل البيعة ازاى  ......  سهلة ......  ندوس  حرف ال ( C ) على الكيبورد  او ندوس على زرار انهاء فى شاشة المبيعات  وبعدين ندوس على زرار نقدية  وعلطول نلاقى الشاشة دى

مبيعات نقدية

لو مش عارف تحسب باقى الفلوس كام

بسيطة اكتب فى خانة المدوفع المبلغ اللى الزبون دفعه والبرنامج يحسبلك الباقى ( ويقلك كمان الزبون عيان بأيه )

وبعدين دوس Enter

قبل ما نخلص البيعة أفرض ان الزبون عايز خصم على البيعة أاااااااااااااااااااااااه

أوك :::: اللعب فى الممنوع

فيه زرار فى الشاشة اللى فوق دى علطول اسمه F2 Extra دوس عليه تلاقى الوضع اتغيروظهر خانتين جداد

شاشة الخصم

نسبة الخصم : ودى ممكن نكتب فيها 5 يعنى 5% او 10

الخصم بالقيمة : وهنا ممكن نكتب بقى فلوس قيمة يعنى مش نسبة

ولو كتبنا فى خانة النسبة رقم معين وبعد كدة الناتج كان رقم غبى زى مثلا 14.72 بسطة دوس على زرار F3 على الكيبورد والبرنامج يظبط الرقم لأقرب ربع جنيه لصالحك ومش هتخصر حاجة  وبعدين دوس Enter وانهى بقى البيعه دى

طب سؤال تعجيزى : افرض انا عايز اعمل خصم  مختلف على الاصناف يعنى كل صنف عايز اعمله خصم شكل لزوم المشتورد والمصرى لما بيكونو فى بيعه واحدة مش معقول هعمل على كله 10% واخسر ؟؟؟؟؟

يا ساتر : ولا تزعل كل صنف فى شاشة المبيعات تعديه دوس بعديه حرف ( D )  تظهرلك دى

أكتب الخصم بالنسبة او القيمة ودوس Enter ولا تخصر شلم

وبعدين قفل البيعه بخصمها جاهزة

طيب سؤال تانى : مكن نبيع حاجة مالهاش رصيد ؟؟؟؟؟؟

الاجابة : أه وده اللى بنسبيه البيع السالب بنضطر نستخدمة فى حالات معينة

مثلا : الطلبية فى الكيس ولسة جاية من الشركة وطب عليا زبون وعايز صنف من اللى لسة جاى فى الطلبية .. طب وبعدين دانا لسة مكودتوش ابيعه ازاى ... مش مشكلة دوس Enter  فى شاشة المبيعات واكتب اسم الصنف ودوس Enter واختارة البرنامج هيقلك الصنف ده مالوش رصيد  تحب تبيعه ؟؟

تقوله Yes

بعد كده يسألك على تاريخ الصلاحية

 وارجوكم اكتبو التاريخ صح زى التاريخ اللى على العلبة وبلاش العك

علشان لما ندخل فاتورة المشتريات ندخلها كاملة زى ما هى والبرنامج هيظبط العدد من نفسه ولما يسألك الصنف ده ليه رصيد سالب  اختار Yes وقله انا عارف

وبكدة نكون خلصنا البيع النقدى وده اللى هنحتاجة تقريبا اثناء فترة التكويد علشان احنا اتفقنا ان كله هيتباع نقدى لغاية ما نخلص الصيدلية كلها

وبعدين نبقى نتعلم ازاى نبيع شكك ودليفرى

بالنسبة لمرتجع المبيعات مافيهوش اى جديد نفتح مرتجع المبيعات Ctrl + R ونشتغل عادى خالص زى المبيعات ولما نعدى صنف ونقفل المرتجع البرنامج هيرجعه فى الرصيد تانى

أخر الكلام

الوصية بتاعتى قبل ما أموت

1- اوعى زبون يكون عايز كذا علبة من صنف معين وتروح رايح جايبهم من على الرف ومعدى علبة واحدة بس منهم على السكانر 3 مرات كدة غلط وازعل اوى لأنه ممكن يكون تاريخ العلب التانية مختلف ولو نويت برده تمشى اللى فى دماغك خلاص اتأكد ان كل العلب تاريخ واحد

2- بردة أوعى تعدى علبة فى شاشة المبيعات وبع دين تدوس ( + ) وتكتب فى فى خانة العبوات  اى رقم الا لما تتأكد ان كلهم تاريخ واحد ... عايزين نشتغل صح علشان بلدنا تتقدم بينا ( الحزن الوطنى )

3- أوعو بعد ما أموت زبون يكون عايز علبة من صنف تروحو تجيبو العلبة اللى فيها شريط من على الرف وتكملوها من علبة تانية مقفولة ليها تاريخ تانى الا لما تفهمو الكمبيوتر

يعنى تعدو العبة اللى فيها شريط وتغيروها لشريط ( + ) وبعدين تعدو العلبة التانية وبرده تحولوها لشريط وبعدين تحطو الشريطين فى العلبة الاولى  ( أمانة فى رقبتكم  لأولادى اللى بيحبو اللخبطة )

4- أى رسالة تطلعلك تقرأها كويس وتعرف معناها كويس ومش كله  Yes وخلاص

5- نخلى بالنا كويس ومننساش ومنعملش شريط ونظلم الزبون او ننسى صنف

6- لما نيجى نبيع Manual والبرنامج يسألنا على تاريخ الصلاحية

  

نختار التاريخ المظبوط مش اى تاريخ والسلام وبطيخ

7- لما الكهرباء تنقطع أمانة تجيبو  ورقة وتكتبوا كل الاصناف اللى اتباعت

الاسم  والكمية وتاريخ الصلاحية ولملا تيجى الكهرباء نبقى ندخل الاصناف Manual  وهكررها تانى التواريخ التواريخ التواريخ

8- افتكروا ديما ان ربنا شايفنا واحنا بنبيع والمال الحرام زى السرطان مصيره مجهول ومخيف

الوصيتين اللى ناقصين انا مش فاكرهم  بس انا هسيبهم لما يمليه عليكم ضميركما