تكويد وجرد الصيدلية
لأول مرة
لو كانت صيدليتك جديدة ولسه معملتش افتتاح ( سيب الدرس ده
) علشان ده درس مخصوص للصيادلة اللى عندهم صيدليات شغالة بالفعل وعايزين
يدخلوا الارصدة على البرنامج من غير ما يعطلوا الشغل جوه الصيدلية
طيب نسيب
الناس الجديده ونخلينا
مع الناس الخبرة
سؤال يطرح نفسه على الساحة : ازاى
هنجرد الصيدلية وندخل الارصدة على البرنامج واحنا مشغولين طول النهار فى البيع
والمشتريات مش كده هنتلخبط ؟؟
لا محدش يقول كده امشوا معايه على الخطوات دى وانتم ترتاحو.
قبل
ما نبدا فى التكويد لازم نعرف انه مش مهم فترة ادخال الصيدلية تطول المهم اننا
ندخل الارصدة بدقة واحدة واحدة من غير استعجال.
طيب البداية : نمسك
الصيدلية كده من جنب واحد مثلا يعنى ممكن نبدا بالاقراص والكبسولات وما
ينفعش ندخل شوية من اول الصيدلية وشويه من اخر الصيدلية -- لا -- هنمسك
جنب جنب ونمسحه بالترتيب
--
نمسك
الرف الاول وننزله من فوق ولو فيه منه استوكات فى اى مكان جوه الصيدليه
نجبهم ونفتح فاتورة مشتريات زى اللى شوفناها فى الدرس دا ممكن تراجعه بالضغط هنا ونكتب
رقم الفاتورة ( 1 ) على اعتبار انه الرف الاول يعنى وبعدين
تاريخ النهارده وبعدين المورد نمرة ( 1 ) اللى هو الصيدلية بتاعتنا يعنى
هنورد الادوية لنفسينا لان الادوية دى ملهاش مورد.
المهم
بعد ما ندخل اول رف ونحفظ الفاتورة ونطبع اللواصق بتاعة اصناف اول
رف نرصه مكانه تانى وبعد
كده نشتغل فى الرف اللى بعده
== طيب ممكن سؤال ==
اتفضل
- عملية البيع هتم ازاى وانا باجرد الصيدلية ؟؟ ده فيه اصناف اتكودت واصناف
لسه !!!
اجاوبك : هتبيع الاصناف اللى اتكودت فقط على الكمبيوتروالاصناف
اللى لسه ما اتكودتش هتبعها من بره بره يعنى اعتبران معندكش كمبيوتر وان
عملية البيع هنا للتخصيم من الرصيد فقط وطبعا مفيش تقفيل خزنة على البرنامج لغاية ما تخلص الجرد.
سؤال كمان ؟؟
أوى...
طيب بالنسبة للمشتريات اكيد هتيجى فاتورة من اى شركة هيكون فيها شوية
اصناف - منها اصناف اتكودة قبل كده ومنها اصناف لسه موصلتش للرف بتاعها ؟ هتعامل
مع الفاتورة دى ازاى ؟
متشلش هم : وانت كده
شغال فى الرفوف بتاعتك وعمال تتدخل فى فواتير الجرد وطب عليك مندوب اى شركة
مورده -- خد من الفاتورة وقسمها الى مجموعتين.
المجموعة الاولى : اصناف
جردناها قبل كده ودى اكيد هدخلها عل البرنامج فى اى فاتورة انا شغال
فيها دلوقتى ( مع ملاحظة ان انا مش هدخل الفاتوره اللى لسه جايه على
اسم الشركة اللى جابتها ) على اعتبار ان الاصناف دى كانت عندى ونسيت ادخلها
( مثلا يعنى)
المجموعة الثانية : اصناف
لسة مجردنهاش -- خلاص ارصها فى رفها لغاية ما ابقى اوصلها.
وبكده نبقى ماشين بنظام دقيق
اللى اتكود بيتباع نقدى حتى لو كان طالع شكك--المهم ان البيع هنا
للتخصيم من الرصيد فقط واللى هيدخل من المشتريات اليومية اللى اتكود قبل كده فقط
علشان لما نخلص التكويد نلاقى الارصدة اللى على الرفوف كلها مطابقى
للى على البرنامج
وبالشفاء
يمكنك
مراجعة الدروس السابقة الخاصة بشرح برنامج فارما فلاى لإدارة الصيدليات من خلال
الروابط الاتية :-
وسوف نقوم بأذن الله
بتقديم اخر الاخبار والشروحات المتعلقة ببرنامج فارما فلاى وتحديثاته المختلفة.
أذا
اعجبك الموضوع قم بالاعجاب بصفحتنا على فيس بوك ومشاركة الموضوع
ليست هناك تعليقات:
إرسال تعليق