بعض العمليات على الاصناف - إعدادات الاصناف سريعة البيع
### عمليات على الصنف ###
طباعة لواصق : فى بعض الاحيان نحتاج نطبع لواصق لصنف معين اتكود قبل كدة بس ممكن يكون الكود اللى علية وقع او اتمسح او لاى سبب عايزين نطبع لعلبة ليها رصيد كود ... ماشى ... دوس على طباعة لواصق تلاقيه يخيرك انه تاريخ نفسك تطبع له 
تلاقى شاشة الطباعة اللى شفناها قبل كده عيش فيها بقى ( شكرا )
حركة الصنف : ده بقى تقرير عن حركة الصنف داخل الصيدلية من مشتريات ومبيعات ومرتجعات وتغيير سعرالبيع ... الخ .... يعنى عملية مراقبة للصنف لاى عملية بتتم عليه
وشكل التقرير اهه ولما تقراه من تحت لفوق يعنى احدث عملية تمت على الصنف هى العملية اللى فى اول التقرير
تصفير الكميات المسجلة للصنف : يعنى نطير رصيد الصنف ممكن نستخدمها لما نكون هنرمى الكمية اللى عندنا كلها فى الزبالة أو يكون الصنف ارصدته متلخبطة فنصفرة ونعيد ادخالة مرة اخرى والامر ده يتم بواسطة مدير الصيدلية ومش هيشتغل مع المستخدمين الغير مشرفين على البرنامج
نسخ الصنف بكل بياناته : يعنى بيعمل كارته جديده من نفس البيانات .... طب ليه ... ساعات الشركات المصنعة للادوية بيطلع فى دماغها تعمل عبوة جديدة من نفس الصنف بس بحجم مختلف او تركيز جديد فا بدل ما اوجع دماغى وادخل صنف جديد من الاول بالطريقة المعتادة ممكن انسخ الصنف ده واعدل البيانات اللى اتغيرت واحفظ الكارته على انها صنف جديد ( وأوعى حد يقول مش فاهم )
طباعة لواصق لكل كميات هذا الصنف : دى غير اللى شراحناها فى الاول علشان الامر ده بيطبع لكل الرصيد اللى عندى بمختلف تواريخة يعنى مش بيخلينى اختار بيبعت على حقيبة اللواصق علطول (ديركت)
جرد هذا الصنف : وده برده هيبقى مفتوح للمشرفين فقط وبيسمحلك الامر ده بالتعديل المباشر فى رصيد الصنف وتواريخة فلما بنضغط عليه تظهر الشاشة دى
ولو دوسنا على تعديل الكمية نلاقى الجدول الصغير ده
تكلفة مخزون الصنف : ده تقرير عن كمية الصنف اللى بنمتلكها وممكن اعرف منه عندنا كام علبة بسعر الجمهور وبسعر الصيدلى ولربح كمان بتاع مخزون الصنف ده
** أما الثلاثة اختيارات الاخرى** ( المخزون الاجمالى - المخزون التفصيلى بالاصناف - تفصيلى مجمع للاصناف ) بتجيب ربح الصنف على حسب نسبة الخصم اللى اشتريت بيها من Sub Agent يعنى التقارير الثلاثة دول يدوك الربح مظبوط 100 100 للصنف تعالو نشوف الفرق لنفس الصنف
ندخل بقى على المجموعة الثانية
### خيارات أخرى ####
صنف ليس له مخزون - سلعة خدمية : ودى بنعلم عليها لما يكون الصنف ده صنف مالوش رصيد زى ( قياس الضغط - ضرب حقنة )
حظر بيع هذا الصنف : باختاره لما احب احظر اللى بيبيع الصنف ده انه محظور بيعه لانى مخدرات او ناقص او لاى سبب فلما حد يجى يبيعه تلع رسالة ان الصنف ده محظور بيعه بس مش هيمنعك من البيع
صنف له رقم متسلسل - ضمان : للصيدليات اللى بتبيع الاجهزة الرياضية ( موضوع يطول شرحة ) سيبك
وكده عدينا على بقية برنامج الاصناف والحاجات اللى مشرحناهاش فيه هنرجعلها بعدين
دلوقتى ندخل بقى على الموضوع التانى
إعدادات الاصناف سريعة البيع
,,,,,,, من قايمة الاصناف اللى فوق خالص داخل البرنامج افتح الامر ده ( إعدادات الاصناف سريعة البيع )
مسح : هتمسح الصنف من قايمة الاصناف السريعة
بيانات الصنف : تفتح كارتة الصنف
تغير اسم الفئة: بتغير اسم فئات الاصناف السريعة ( سريع - أقراص - شامبو ....... ) دوس وجرب
ظبط انت الاصناف براحتك وانطلاقة نحو المستقبل ( واخد بالك ).
ليست هناك تعليقات:
إرسال تعليق